4 Offline Games to spend your time in stay-home period

အိမ်ထဲနေရတာ ပျင်းလာပြီဆိုသူများအတွက် အင်တာနက်မလိုပဲ ဆော့လို့ရမယ့် offline games 4 ခုကို ရွေးပေးချင်ပါတယ်။

ဒီရက်ပိုင်း ရောဂါတွေ့တဲ့လူတွေ ထပ်တိုးလာတော့ တတ်နိုင်သမျှ အပြင် မထွက်ကြပါနဲ့ဦး။ အိမ်ထဲမှာ နေရတာ ပျင်းတဲ့လူတွေအတွက် ကျွန်တော်တို့ အင်တာနက် မလိုပဲ ဆော့လို့ရမယ့်၊ ဆော့လို့ကောင်းမယ့် ဂိမ်းလေးတွေ ရွေးပေးချင်ပါတယ်။

  1. Park Escape

Puzzle ဂိမ်းအမျိုးအစားဖြစ်ပြီး ဇာတ်လမ်းလေးနဲ့ဆိုတော့ အတော် ဆော့လို့ ကောင်းပါတယ်။ တစ်ခန်းချင်းစီ ပစ္စည်းလေးတွေရှာ၊ သဲလွန်စတွေ ရှာပြီး အေးအေးဆေးဆေး စဉ်းစားပြီး ဆော့ရမှာဆိုတော့ အချိန်ဖြုန်းလို့ ကောင်းတဲ့ ဂိမ်းပါ။ ဦးနှောက်လည်း အလုပ်ပေးရင်း ဂိမ်းထဲ မျောသွားလောက်အောင် ကောင်းပါတယ်။ ဆော့ကြည့်ပါ။

  • Genre – Puzzle
  • Size – 35 MB

2. Brain Test: Tricky Puzzles

ဒါလည်း Puzzle ဂိမ်းပါပဲ။ ဒါပေမယ့် ဒီဂိမ်းက တခြားဂိမ်းတွေနဲ့ မတူပါဘူး။ Out of the box ဖောက်ထွက်ပြီး တွေးရမှာတွေ ပါသလို လူလည်ကျထားတာတွေလည်း ပါပါတယ်။ တခါတလေ အတွေမနက်ပဲ ရှင်းရှင်းလေး တွေးမှ အဖြေရတာမျိုးတွေလည်း ပါတယ်ဆိုတော့ ဆော့ကြည့်ကြပါ။

  • Genre – Puzzle
  • Size – 58 MB

3. Shadow Fight 3 (Need to be Online)

Puzzle တွေ ပြီးတော့ လှုပ်လှုပ်ရှားရှား တိုက်ရ ခိုက်ရတာလေး ရွေးပေးထားပါတယ်။ Role Playing Fighting ဂိမ်းလေးပါ။ Shadow Fight 1 တုန်းက အရိပ်ပုံစံမျိုးနဲ့ စခဲ့ပြီး ခု Shadow Fight 3 မှာ Graphic လည်း အရမ်းကောင်းလာတယ်။ ချရတာတွေလည်း မိုက်တယ်။ Missions တွေ လည်း ပါတယ်။ Dual လည်း ချလို့ရတယ်။ Reward တွေ စုပြီး item တွေ ဝယ်၊ Upgrade လုပ်။ PvP တော့ မရသေးပါဘူး။ Coming Soon လို့ ရေးထားတော့ သိပ်မကြာခင် PvP ချလို့ ရမယ်ထင်ပါတယ်။

Update >> ခြွင်းချက်အနေနဲ့ ဒီဂိမ်းက အင်တာနက် ဖွင့်ထားဖို့ လိုပါမယ်။

  • Genre – Role Playing
  • Size – 108 MB

4. New Star Soccer

ဒီဂိမ်းက အတော်တော့ ကြာပြီ။ သိတဲ့လူတွေလည်း သိကြမယ်ထင်ပါတယ်။ ဆော့လို့ မရိုးတဲ့ ဂိမ်းလေးပါ။ စကစားတာနဲ့ character တစ်ခု ပြုလုပ်ပြီး ဘောလုံးသမားတစ်ယောက်အနေနဲ့ ကစားရမှာပါ။ အပြင်လောကအတိုင်းပဲ ပိုက်ဆံရှာမယ်။ training လုပ်မယ်။ အိမ်တွေ ကားတွေ ဝယ်လို့​ရမယ်။ ချစ်သူရည်းစား ထားလို့ ရမယ်။ လုပ်ပွဲဆော့ဖို့ ကမ်းလှမ်းတာတွေ ပါမယ်။ လောင်းကစားလုပ်တာတွေ ပါမယ်။ အသင်းတွေ ပြောင်းကစားလို့ ရမယ်။ တော်တော် စွဲတဲ့ ဂိမ်းပါ။

  • Genre -Sports
  • Size – 63 MB